inkuru zigezweho
   

Sudani: Perezida Bashir yategetse ko imfungwa za politiki zirekurwa


yasuwe inshuro:2


Sudani: Perezida Bashir yategetse ko imfungwa za politiki zirekurwa


Perezida wa Sudani, Omar al Bashir, kuri uyu wa Kabiri yategetse ko imfungwa za politiki zirekurwa muri gahunda igihugu kirimo y’umushyikirano ugamije ubwiyunge n’amahoro.

Byatangajwe n’Ibiro Ntaramakuru bya Leta, SUNA ariko ntihavugwa umubare w’imfugwa zizafungurwa.

Ayo makuru avuga ko iryo fungurwa ritanga umwanya ku bantu bose ngo batange umusanzu wabo mu biganiro bigamije gushakira ibisubizo ibibazo igihugu gifite.

JPEG - taille ko
Perezida Omar al Bashir wa Sudani yategetse ko imfungwa za politiki zirekurwa

Abatavuga rumwe na Leta muri Sudani bakunze gufungwa, amashyaka atavuga rumwe na Omar Bashir agahura n’ibibazo bitandukanye.

Sudani kuri ubu yugarijwe no gutakaza agaciro gukomeye k’ifaranga, ibintu bibabaje benshi mu baturage nubwo batemerewe kwigaragambya nkuko ABCnews yabitangaje.

Muri Mutarama uyu mwaka mu Mujyi wa Khartoum no mu tundi duce tw’igihugu hadutse imyigaragambyo, abaturage bamagana izamuka rya hato na hato ry’ibiciro, benshi barafunzwe nubwo nyuma baje kurekurwa.

Abigaragambya bamaganaga izamuka ry’ibiciro by’imigati byikubye kabiri, nyuma y’uko Leta ikuyeho amafaranga yajyaga itanga itumiza ifarini hanze, ikabiharira sosiyete zigenga.

Perezida Al Bashir ashinjwa n’Urukiko Mpuzamahanga Mpanabyaha (ICC) ibyaha bya Jenoside, iby’intambara n’iby’ibyibasiye inyokomuntu byakorewe abaturage ba Darfur guhera mu 2003.

ibitekerezo

tanga igitekerezo cyawe